Prezidente da Republika
(PR), Taur Matan Ruak, enkoraja makaas ba Komisaun Anti Korupsaun (KAK) atu
hala’o nia servisu hodi kombate Korupsaun Kolusaun no Nepotizmu (KKN) iha
nasuan ida ne’e.
Komisariu KAK, Aderito
de Jesus, hafoin hasoru malu ho Xefi Estadu Taur Matan Ruak, ba jornalista sira
informa katak antes ne’e KAK hasoru malu ona ho Prokurador Jeral da Republika
(PJR) José Ximenes Belo hodi koalia mos kona ba servisu KAK nian.
Tamba ne’e, nia hateten
hafoin informa servisu KAK nian ba Xefi Estadu, Komisariu KAK ne’e haktuir
katak, Xefi Estadu kontinua apoiu servisu KAK nian hodi hala’o nia knaar ho
efektivu.
“Ha’u hanoin suporta
nafatin, Prezidente akompañia prosesu estabelesimentu KAK nian iha inisiu mós
haree KAK nia servisu la’o. durante ne’e ha’u hanoin suporta makaas husi Sua
Exelensia Prezidente hanesan ha’u hasoru malu ho PJR hodi koalia konaba servisu
KAK nian no ha’u hanoin Prezidente refleta suporta lubuk ida ba KAK atu hala’o
nafatin nia servisu ho diak,”haktuir Prezidente KAK, Komisariu Aderito de
Jesus, iha Palacio Prezidensial, Aitarak Laran, Dili, Kinta (23/5).
Durante enkontru ho Xefi
Estadu la koalia kona ba prosesu investigasaun ruma. Maibe koalia liu konaba
servisu KAK nian en jeral no troka ideas ho Preziddente da Republika oinsa maka
bele lori KAK ne’e hala’o nia servisu ho diak liu tan.
Aliende koalia konaba
servisu KAK nian, konvida mos Xefi Estadu atu partisipa iha eventu Internasional
konaba Anti Korupsaun nian ne’ebe sei hala’o iha Timor-Leste no KAK maka sai
uma nain.
Eventu ne’e sei hala’o
iha dia 23 fulan oin Juñu, no sei partisipa husi nasaun 30. Tanba ne’e maka
konvida Xefi Estadu hato’o nia diskursu ruma iha eventu Internasional ne’e.JNDiario
Tidak ada komentar:
Posting Komentar