Tribunal Rekursu (TR), Kinta (16/5), hatun despasu ba rekursu insidenti de suspeçao prizoneira Lucia Maria Brandão Freitas Lobato nian nebe hatama iha loron 15 Abril 2013 ho numeru prosesu 8/ insidenti de suspeçao/2013/TR.
Iha
despasu ne’e, TR haruka ba iha Tribunal Distrital Dili (TDD) atu husu ba TDD
notifka Ministeriu Publiku (MP) hodi nune’e MP bele halo pronunsia ba rekursu ne’e no iha
tempu badak nia laran TR bele foti ona desizaun ba rekursu ne’e.
Informasaun
ne’ebe JNDiario asesu husi ofisial justisa iha TR katak, iha rekursu insidenti
de suspeçao Lucia Lobato husu atu suspende juis sira ne’ebe involve iha nia
prosesu, nune’e la bele involve tan iha nia prosesu, no juis nebe mak kaer
prosesu ne’e hare katak rekursu ne’e MP presiza halo pronunsia.
Antes
ne’e Adovogadu Lucia Lobato nian, Jose Pedro Camões esplika katak, rekursu ne’e
hanesan rekursu foun ida ne’ebe sira hatama, tanba sira konsidera desizaun husi
prosesu Lucia Lobato ne’e la justu hotu. Basa, ema balun ho juis balun mos tau
kanuru tohar (campur tangan) iha prosesu desizaun pena prizaun ba Lucia
Lobato.
Rekursu
Lucia Lobato nian ne’e husu mos ba Konselhu Superior Majistratuta Judisial
(KSMJ) atu suspende juis sira ne’e husi sira nia servisu. JNDiario
Tidak ada komentar:
Posting Komentar