Polisia Nasional Timor Leste (PNTL) Distirtu
Viqueque rejista kazu hamutuk 78 ne’ebe akontese husi fulan Janeiru to’o Maiu,
tinan ne’e.
Komandante
PNTL Distritu Viqueque, Superentendente Justino Menezes, Tersa (14/5), hateten,
husi kazu sira ne’e barak liu agresaun fiziku simples ho nia numeru kazu 24 ,
kazu violensia domestika 21 no kazu seluk iha ida ka rua.
Husi
kazu sira nee’ebe mak akontese kazu
maioria liu mak akontese iha sub
distritu Viqueque Vila ne’ebe nia indikasaun tanba lanu ka konsumu alkohor.
“Kuandu joven sira hemu tua mutin lanu ona
sira sempre baku malu, tanba menus kampu de trabalhu,”dehan Justino Menezes.
Tuir fali husi kazu agresaun fiziku mak, kazu ba viloensia domestika ne’ebe mak
akontese entre fen ho laen, tanba laen lakohi buka serbisu loron kalan mak buka
joga no hemu no ida tan mak mane sira selinku ho feto kik.
Nia
akrsenta, kazu violensia ne’ebe mak hamutuk 21 ne’e hotu-hotu tenki rejistu iha Tribunal, tanba ne’e kazu krimi publiku. Ne’e labele rezolve familia ne’e duni tenki
to iha Tribunal depois vitima ho suspeitu konkorda i akordu dame malu familia
tenki tribunal fo autorijasaun.
“Kazu
sira hanesan bai-bain hanesan agresaun
fiziku simples ne’e tama ba Tribunal 48
i sira selseluk ne’e ita rezolve familia,
siginifika katak, kazu ne’ebe mak makas liu amesa ba estavilidade Viquque ne’e la iha,” tenik Justino Menezes.
Kona-ba situasaun jeral, Justino Menezes dehan, problema artemarsiais
iha distritu Viquque ne’e la iha, tanba ema hotu hakarak moris iha pas no
estavilidade nia laran.JNDiario
Tidak ada komentar:
Posting Komentar