Lider maximu partido historiku Fretilin, Francisco Guterres
‘Lu-Olo’ ho Mari Alkatiri hasoru malu ho
Presidente Republika, Taur Matan Ruak hodi koalia oinsa atu hamutuk hadia povu
nia moris no dezenvolvimentu nasaun Timor Leste nian.
“Iha sorumutu ne’e koalia
asuntu veteranus nian, CPLP nian, asuntu ASEAN nian buat sira ne’e hotu ami
koalia saida maka ita bele halo servisu hamutuk nafatin para atu rai ne’e bele
lao ba oin, e ami sei kontinua reuniaun ho Primeiru Ministru kuandu mai sei
halibur nafatin para atu haree buat sira ne’e hotu”deklara sekjer FRETILIN,
Mari Alkatiri iha ninia Gabineti eis Primeiru Ministru, Farol, Dili Sesta
(31/05) foin lalais ne’e hafoin sorumutu ho TMR.
Iha fatin hanesan Prezidenti Partidu FRETILIN, e hanesan mos
primeiru Prezidenti Parlamentu Nacional (PN), Francisco Guterres ‘Lu-Olo’
komenta katak iha sorumutu ne’e koalia asuntu ASEAN, CPLP no veteranus e
assuntu sira seluk.
“Problemas kona fali ba Timor Leste ninia ezersaun iha ASEAN
ou integrasaun iha ASEAN nian ke asuntu laos problema asuntu ida ke bo’ot
teb-tebes, naturalmente tempu oin mai ajusta didiak tan ideias ou fo ideas tan
ba malu, hannesan mos ba CPLP ne’ebe tinan ida tan 2014 ita hola prezidensia ba
CPLP ninian naturalmente ne’e asuntu ida ke tambem importante atu oinsa bele
defini politika ou estratejia kona ba CPLP nian tomak laos ba deit ba Timor
Leste maibe ba pais sira CPLP tomak, portantu ida ne’e mos ideia importante
teb-tebes ami koalia hamutuk, e ami mos koalia kona ba problemas veteranus
barak liu ona oinsa mak haree hamutuk para atu bele hetan solusaun,”afirma
Lu-Olo.
Lider nain tolu ne’e koalia asuntu ne’ebe refere no asuntu
sira seluk, tanba konsidera interse povu no Nasaun ninian no mos
dezenvolvimentu Nasaun ninian ke persiza fo atensaun masimu.
Inkontru ne’e rasik Prezidenti da Repoublika husu hodi halao
inkontru ho lideransa masimu partidu FRETILIN ne’e hodi koalia asuntu ne’ebe
mak konsidera importante ba dezenvolvimentu Timor Leste ba povu no rai Timor
ninia intrese hanesan asuntu veteranus, adesaun TL sai membru ASEAN, CPLP no
seluk tan. JNDiario
Tidak ada komentar:
Posting Komentar