Dalaruma ema ida bele iha okos liu wainhira mundu hadulas an ba kraik.
Ema seluk bele hakletek sae ba leten nafatin la hare’e ba nia tutun.
No ema balun mos dalaruma la iha nia fatin hodi la bok an.
Iha situasaun saida deit no iha nebe’e deit ita horik ba, ita dalaruma hasoru buat balun, perguntas balun, no mos oinsa mak ita valoriza ita nia moris.
Wainhira perguntas ne’e mosu dalaruma lori ita ba iha ita nia konsiensia rasik katak saida mak ita halao ona hodi valoriza ita nia moris?
Medida saida mak ita uza hodi bele hatene katak ita valoriza ona ita nia moris.
Ba hau, atu valorize ita nia moris mak liu husi hadia an.
Bainhira ita hadia ita nia an motiva atu bele sai diak liu.
Ezemplu konkreta ida, ita mane sira sempre preokupadu oituan atu hadia gravata nebe’e karik seidauk los. Ba inan feton sira dalaruma preokupa los ho ssan sira atu uza hodi pinta an karik seidauk diak.
Iha ispelhu oin ita sempre hakarak hadia ita an atu bele sai bonito no bonita, wainhira buat ruma sidauk diak ita buka atu hadia iha ispelhu nia oin.
Entaun atu koalia lolos deit katak, atu valoriza ita nia an ne’e fasil hanesan wainhira ita hamrik iha ispelhu nia oin.
Hare’e ba frakeza nebe’e ita iha hodi buka atu hadia husi loron ba loron.
La presiza tauk atu rekonhese ita nia sala ba ita nia an rasik.
So maromak deit ho ita nia an rasik mak bele hatene sala sira nebe’e iha iha ita an rasik.
Durante ita sei iha konsiensia tomak nebe’e as no forte atu kontinua hadia ita nia an rasik, entaun momentu ida ne’e mak ita bele valoriza ita nia an rasik.
Tidak ada komentar:
Posting Komentar