Edukasaun Mak Xavi ba Dezenvolvimentu

Profesor Brian Schmidth ne’ebe mak hanesan Loreadu Nobel Fisika iha 2011 hatete iha nia palestra iha salão Infordepe katak, edukasaun mak misaun ida importante iha nasaun ida ba dezenvolvimentu  atu la’o. Tanba ne’e edukasaun la’os deit ba ema boot ka ema matenek sira, maibé oinsa ba ema ne’ebe mak hakarak estuda hodi hamosu buat foun.

Lia hirak ne’e hato husi Profesor Brian Schmidth iha nia palestra, kuarta(15/05) iha Salão Infordepe kaikoli, Dili.

“Edukasaun mak savi importante ba nasaun ida atu lao, hau husu ba ba estudante sira estuda laos deit iha fatin maibe oinsa bele hamosu buat foun ida tanba atu aplika buat foun ida depende ba ita nia vontade, ita tenke halerik ba edukasaun ne’e, edukasaun laos iha eskola deit maibe estuda mos buat seluk para bele hetan premiu hanesan hau”, dehan nia.

Nia fo korajen liu tan ba Timor Leste tenke estuda makas hanoin diak para siencias ne’ebe mak imi estuda bele tama imi iha kakutak laran, motiva, no esforsu makas atu estuda buka buat foun iha imi nia estuda ne’e.

“Tanba imi sira ne’ebe mak matenek sei lidera nasaun nia futuru ba oin ho dezenvolvimentu ne’ebe mak ho responsabilidade, no alunus ne’ebe mak hau hanorin ne’e bele sai lider mos ba rai Timor ida ne’e”, Brian Schmidth.

Nia akresenta mos katak , mestri sira ne’ebe mak hanorin hanesan belun ba alunus sira ne’ebe mak ajuda iha tempu barak nia laran, tanba tuir peskija ne’ebe mak  iha mestri nia papel boot liu atu siencias ne’ebe mak iha nune’e persija mos alunus sira atu hatene lolos husi edukasaun ne’e saida.

“La iha servisu ida mak importante liu Mestre sira nia profisaun husi sira mak ita bele aprende siencias ne’ebe mak iha, nune’e mos estudante sira nia papel mos importante tenke estuda halo makas hodi bele lidera nasaun ida persija ema barak nia kontribuisaun liu husi edukasaun ne’e rasik” hatete Lareadu Nobel ne’e.

Iha fatin hanesan Bendito Freitas hatete, Profesor Brian Schmidth Lareadu Nobel Fisik 2011 ne’e mai atu fahe esprensia ninian ituan ba siensias liu-liu ba area fisika nian, tanba edukasaun mak parte ida hodi fo hanoin liutan ba mestri sira iha Timor ne’ebe mak responsalve boot liutan iha area edukasaun nian ne’e para bele hatene siensias fisika importante tebes liu-liu bele motiva akaptasaun ba materia sira ne’e.

“Ita hein katak ho nia esperensia ne’ebe mak nia fahe ne’e vantajen ba formulsaun pensamentu ita nia materialiditiku ligadu ba arae siensias fisika nian, nune’e bele ajuda ita nia profesores sira partikularmente iha area fisika ne’e” hatete Bendito.JNDiario