Viqueque Oan La Simu Malu, Xanana: “Labele Hanoin Município Atu Mai”

Primeiru Ministru Kay Rala Xanana Gusmão hateten katak, Viqueuqe oan sira la simu malu hodi tuur hamutuk, dezentralizasun ba Distritu Viqueque muda ba tinan 2071.

Primeiru Ministru esplika ba povu Viqueque katak, tenki kore-an husi problema, no presiza simu malu hodi buka hatene saida maka munisípiu, saida maka dezentralizasaun, no saida maka poder lokál.

“Buat sira ne’e hotu  ita boot sira hatene no kompriende hotu ona, maibé se Viqueque oan sira la simu malu, labele hanoin katak ha’u atu haruka munisípiu mai,” hateten Xanana Gusmão, bainhira hala’o divulgasaun munisipiu  fazé primeiru iha parte Leste, Distritu Viqueque, Segunda(14/05).

Xefi Governu ne’e fiar katak, munisípiu sei la’o ba oin, sé Viqueque oan sira la simu malu hodi fó hanoin ba malu. i desentralizasaun Distritu Viqueque sei muda ba 2071.

Tanba ne’e Xefi Governu apela ba Administardór Sub-Distritu 5 inklui Xefi Suku 35 halo ona asaun ba povu 234 aldeias hodi halo sosializasaun ba povu 7717 mill iha Distritu Viqueque.

“Ha’u dehan ita boot sira katak desentralizasaun la’os fasil, maibé presiza bebeik sosializasaun, tanba povu tenki partisipa ativu iha prosesu desentralizasaun, avaliasaun servisu mínimu kondisaun mínimu, hodi sai hanesan prátika referensia”, Xefi Governu ne’e esplika.

Xanana mós koalia katak, sé kestaun sira ne’e, ita boot sira liu-liu lideransa komunitáriu sira la haka’as-an, desentralizasaun iha Distritu Viqueque muda ba tinan 2071.

Tanba dehan Xanana, ukun-an tinan 12 atu entrega kuda talin ba Viqueque oan sira hodi kaer rasik sira nia kuda talin, tanba 212 no 2017 hodi evita mal gastus.

Xanana haklean liu tan katak, agora dadaun Viqueque oan sira tenki hanoin futuru husi Viqueque nian, tanba Viqueque oan sira la prepara-an maka sei susar atu lori munisípiu ba oin.

Xanana realsa katak, labele mai bosok bebeik povu hodi manan kadeira bainhira tempu kampaiña to’o, maibé hetan tiha kadeira, haluhan tiha komprimisu polítika ba povu.

“Tinan lima ita mai kampaiña, hodi hili Governu foun, Parlamentu foun, maibé ami sa’e tiha kareta la mai haree povu nia susar hodi bele tau ba iha planu prioridade, ida ne’e mak sai obstákulu ba dezenvolvimentu’’, Xanana koalia.JNDiario