PM Xanana Husu Viqueque Oan Identifika Área Potensial

Primeiru Ministru (PM), kay Rala Xanana Gusmão, husu ba Viqueque oan sira atu identifika área imortante rua, molok Munisípiu to’o iha sira nia fatin

“Ita bo’ot sira presiza identifika ho didiak imi nia potensia iha area rua ne’eb’e importante atu nune’e imi bele hatene didiak saida mak imi sei halo sé karik municipiu ne’e realija duni iha iha imi nia distritu,” hateten

Primeiru Ministru Kay Rala Xanana Gusmão iha loron daruak dialogo divulgasaun planu no programa desentralizasaun kamara municipiu esforsa konvence Viqueuque ona sira liu distritu 8 parte oeste ne’ebé nia tama ona.

“imi Viqueque oan sira nia problemas la diferensa ho distritu 8 parte oeste ne’ebé mak ha’u tama ona kuaze hanesan hotu. Difisil atu simu buat foun ida kuandu laiha esplikasaun,” hateten Xanana Gusmão.

Nia hatutan katak, ba dahuluk niania marka prezensa iha Distritu enklave Oecusse buat hotu foun ba povu iha ne’eba. Sira la hatene saida mak Munisípiu.

“Iha Oe-cusse kuaze iha problemas mós inklui veteranus nian, ha’u ameasa sira atu futu hotu sira, tanba veteranus la hamutuk. Maibé depois sira hatene ha’u hirus, entaun sira rekoñese duni sira nia sala no hakuak malu,” katak nia.

Xanana dehan, prosesu ne’e presiza halo. Kuaze Distritu sira nia problemas hanesan de’it. Ne’eduni Viqueque oan sira iha dalan ida de’it hanesan mós distritu 8 seluk.

Maibe tuir eis lider rezistensia ne’e katak, importante liu mak rona malu no tenki hamutuk. Tanba koalia konaba Munisipiu la’os buat ida fasil maibé todan.

Xefi governu ne’e informa liu tan katak, ninia esperiensia wainhira fila husi Distritu Manufahi atu mai distritu Aileu atu kontinua dialogu desentralizasaun munisipiu nian.

“Iha Fatubosa katuas sira tahan ha’u. sira hateten maun bo’ot ida ne’e mak ukun-an ga? Ami iha laletek hateke tun ba sidade Villa Aileu no uma kain sira balun kuaze ahi tama hotu ona. Tanba sá mak to’o oras ne’e  ami nunka haree ahi lakan netik iha ami nia uma. Ida ne’e, atu hatudu mai ita katak, ukun-an ne’e la’os ba ema ida de’it, maibé povu sira hela iha foho leten ne’eba mós tenki sente duni ukun-an ne’e”, hateten Xanana.

Xefi Governu ne’e mós koalia katak, liu husi programa no politika governu nian ba implementasaun Kâmara Munisípiu ne’e hatudu katak, atu entrega poder tomak ba distritu sira, atu kaer rasik ninia kuda talin.

“la presiza tan problemas distritu nian tenki halai hotu mai nasional,”Xanana tenik

Tanba ne’e Xanana dehan, Viqueque oan sira tenki hamutuk.

“Imi rasik mak sei jere imi nia distritu, sei hadia liu husi imi nia potensia rua ne’ebé importante tebes hanesan rekursu naturais no humanu”, Xanana koalia.JNDiario