“To’o
tinan 11 agora atu hakat ba oin persizu hotu-hotu tenki hanoin katak tinan ida
ne’e laos tinan ba ita para atu bele halimar nafatin, maibe tinan ida para
depois atu esforsu nafatin hodi halo servisu ba oin hodi servi nafatin ita nia
rain, povu ida ne’e ho didiak,” Lu-Olo’ relata asuntu ne’e ba JNDiario wainhira
fo evaluasaun tinan 11 restaurasaun independensia 20 Maiu nee iha iha nia
rezidensia, Farol, Dili.
Lu-Olo
hatutan iha tinan 11 ne’e Estado hasoru difikuldade barak, tamba ne’e hotu-hotu
hamutuk para ultrapasa difikuldade ne’e hodi hadia povu ninia moris.
“Hau bele hatete
katak ita lao duni tinan 11 hanesan Estado ita lao, maibe lao ho difikuldades
barak, se bele agora tinan 11 ona ne’e
tur hamutuk hodi halo reflesaun oituan, mas ho seriedade para atu bele halo
koreksaun ba situasaun ida ne’e hodi hein, hodi servisu para atu bele hadia ita
nia povu ninia moris ho ita nia rai ne’e,”dehan Lu-Olo.
Eis Falintil nee
mos esplika, iha primeiru Governu Konstitusional ne’ebe kaer husi partidu
FREILIN ne’e harii estruktura Governu
sentral ninian, maibe halo mos planu dezenvolvimentu ho sistema ne’ebe
administrasaun publika ninian iha altura ne’eba, ne’e primeiru Governu ho osan
kiik halao dezenvolvimentu, tanba ne’e labele halo buat hotu-hotu.
“Depois de restaurasaun Independensia Nasoens
Unidas fo poder mai ita, ita rasik mak kaer ita nia Governu hahu husi primeiru
Governu Konstitusional ne’ebe hau nia partidu (FRETILIN) mak manan iha eleisaun hodi kaer governu ida ne’e hahu
kria estruktura atu harii ita nia Estado nian maka harii Governu, Parlamentu
Nasional liu husi Konstituisaun ho Leis
sira ne’ebe aprova, Tribunais, prezidensia da republika, buat sira ne’e
hotu ita halo tiha, lori ita nia rain ne’e ba oin ne’e susar teb-tebes ho osan
mos oituan,”afirma Lu-Olo.
Presidente
Partido Fretilin nee mos akresenta primeiru Governu Konstitusional FRETILIN
ninian lao duni biar ho osan oituan mais primeiru lugar servisu hodi harii
sistema ida iha ita nia rain hodi kria orgaun instituisaun estado ninian
hanesan PNTL, F-FDTL no seluk tan.
Nia mos fo availiasaun Governu Aliansa Maoria Parlamentar
(AMP) ne’ebe lidera husi Primeiru Ministru Kay Rala Xanana Gusmao katak durante
tinan lima nia laran ne’e orsamentu
Jeral do Estado ne’ebe mak kada tinan Parlamentu Nasional aprova atu halao
dezenvolvimentu iha rai laran ba areas hotu-hotu la lao liu-liu area edukasuan,
saude, agrikultura, infra-estruktura no seluk tan.
“Ita iha tinan lima AMP nia laran tuir mai haree osan
kuaze miliar lima resin maka sai, maibe ita haree rejultadu ida laiha, ita haree
loron ba loron populasaun sira kuaze iha fat-fatin sempre husu nafatin katak
ami persiza bee, ami persiza ahi, buat ida ne i buat ida ne’eba signifika katak
nesesidades povu ninian seidauk hetan nia satisfasaun lolos, osan barak husi
mina rai ninian ne’e ho garantia katak atu lori ba, atu hadia povu nia moris,
to’o oras ne’e povu sei terus nafatin, sei hamlaha hela nafatin, ninia
kondisoens ladiak nafatin,”lamenta Lu-Olo.
Eis prezidenti
PN ne’e katak persiza hametin diak liu tan instituisaun judicial iha Timor
Leste, tanba nudar defensor ba ita nia Konstituisaun no Lei i mos hanesan rin
ba Estado direitu Demokratiku ninian iha Timor Leste tenki hamrik los no hamrik
metin.
“Tinan 11 ona ba
restaura ita nia Independensia, sistema ida be justisa ninian tenki hametin e
tenki dezenvolve justisa para atu nune’e ita nia Estado ne’e nia rin ida ne’e
bele metin,”Lu-Olo koalia.
Entretantu iha
fatin la hanesan iha komemorasaun Restaurasaun 20 de Maio ba dala 11 Partidu
Istoriku FRETILIN, ne'ebe kompostu husi Prezidenti Partidu FRETILIN, Francisco
Guterres Lu-Olo ho nia espouza Cidalia hamutuk ho kuadrus miltantes no
simpatizantes FRETLIN iha Dili laran vizita Semitario Jardim dos Herois,
Metinaro kari aifunan hodi hatudu hondra bo'ot ba
Asuwain Luta Libertasaun nasional nebe mak fo an tomak ba mate.
Nune’e
mos iha momentu ne'e mos militantes FRETILIN halao doasaun ran ba banku de
sangue Ospital Nasional Guido Valadares Dili, hodi hatudu sentimentu
solidariedade ba maluk pasiente sira nebe mak presija tebes ran hodi salva sira
nia vida. JNDiario
Tidak ada komentar:
Posting Komentar