Eis
Primeiru Ministru (PM), Dr. Mari Bim
Amude Alkatiri konsidera Ministeriu Turismu e Kultura (MTK) sedu liu kria
eventu Miss Timor .
Ba Jornalista sira Tersa (14/05) iha
ninia rezidensia Farol, Dili horseik, eis PM, Mari Alkatiri deklara eventu Miss
Timor ne’e ba intrese pesoal no intrese grupu ninian laos intrese nasional.
“Ba hau seidauk to’o, hau laos dehan
katak labele iha divertimentu, povu persiza duni diversaun, ita hakarak aban
bain rua ita foti ita nia miss ida ke sai fali hanesan embaixadora Timor nian
ba rai liur laos deit para hatudu dehan beleza deit mas hatudu nia matenek mos,
ne’e mak hau hakarak,”afirma Alkatiri.
Nia dehan eventu ne’ebe refere tenki
planeia ho didiak no tetu hamutuk nune’e bele fo mos rejultadu ne’ebe mak diak
iha futuru ne’ebe reprezenta feto.
“Miss Timor ne’e tenki halo lolos para
bele fo marka ida ba ita nia reprezentasaun feto ne’e ba iha liur ke diak ke
bele defende feto nia direitu, igualdade feto ho mane, se lae ita halo sasan nar-naran deit diak liu
ita para, ita hanoin hamutuk saida mak bele halo diak liu ba ita nia
rain,”haklaken Alkatiri.
Eis PM iha primeiru Governu
Konstitusional, Mari Alkatiri sublinha, persiza kria uluk kondisoen ne’ebe mak
diak hafoin halao eventu refere.
“Diak liu ita fo tempu para prepara para
aban bain rua kuandu ita foti ita nia miss ida laos hatudu deit dehan nia furak
mas hatudu katak nia mos matenek, ne’e para reprezentan rai ne’e sai
embaixadora ba rai ida ne’e,”tenik nia.
Tamba nia dehan sai miss timor ka
embaixadora laos politika deit, maibe sai embaixadora kultural no sai
embaixadora ne’ebe atu defende feto nia direitu iha fatin hotu-hotu.
“Se mak ita hili tanba nia nia hatene
aprezenta nia an, nia hatene nia matenek hodi koinhese ita nia istoria,
kuinhese istoria mundu ne’e i nia koinhese
direitu feto nian para atu defende, ne’e aban bain rua se nune’e ita bele
ona lao ba oin, agora diak liu ita prepara lai,”koalia Alkatiri.
Maske nune’e Primeiru Ministru (PM), kay
Rala Xanana Gusmao ho Primeira Dama Timor Leste Isabel Ferreira apoia eventu
refere, maibe iha parte seluk sosiedade sivil sira inklui organizasaun feto iha
Timor Leste sujere atu kansela eventu ne’e. JNDiario
Tidak ada komentar:
Posting Komentar