Primeira Dama Timor-Leste, Isabel Ferreira, hateten
aktividade Caravana Artístika ne’ebe mak organiza husi Minsterio Turismo,
hanesan parte ida atu promove aktividade turismo, kultura no ekonomia iha rai
laran.
“Aktividade Caravana Artístika ne’e, halao servisu ho ekipa
no integrasaun ho meius no ema husi distritu oi-oin hodi ba kauza komun, ne’ebe
halo ita senti urgullu hanesan Timor oan. Wainhira ema barak koalia kona ba
nesesidade atu hasoru desempregu atu kria kampu de trabalhu, eventu sira ne’e
mak sei sai hanesan forma ida ne’ebe diak hodi hasae turismu, promove
aktividade ekonomia no habarak efeitu positivu sira iha partisipasaun juventude
sira nian,”hateten Primeira Dama liu husi nia diskursu, wainhira abertura
ba aktividade Caravana Artístika,
Do
mingo (26/05), iha Palacio Governu.
Primeira Dama Isabel, hatutan area kultura bele sai hanesan
industria no buat ne’ebe mak hakarak haketak Timor-Leste husi rai sira seluk,
iha regiaun hanesan tradisaun, historia
ho haksolok mak bele sai karateristika ba distinu Timor nian.
Isabel Ferreira mos fo
parabens ba komisaun organizadora no mos suksesu ne’ebe mak alkansa ba
eventu ida ne’e no ba sira ne’ebe kontribui hodi partisipa iha caravana
artistika ida ne’e, sinseiru agradesimentu no deseizu katak festa Caravana
Artistika sei kontinua nafatin iha tinan oin ho susesu.
Grupu Caravana Artistika hamutuk 63 mak partisipa, ne’ebe
mai ho tipu kultura oi-oin husi sira nia Distritu rasik, husi grupu sira iha
Dili laran no mos instituisaun Governu.
Caravana Artistika ne’e, hahú halao husi Tasi Tolu oras tuku
2 ho balun to’o iha Palacio Governu besik tuku 05.Otl, no hetan seguransa
máximu husi Policia Nacional Timor-Leste
Distritu Dili.
Nune’e mos, iha
kompetisaun grupu Caravana
Artistika 63 ne’e, iha parte Caravana kultura original nian, Distritu Viqueque
mak sai hanesan I lugar, II lugar
Distritu Manatutu no III lugar mak Distritu Bobonaro, IV lugar mak Floresta de
Montanha, V lugar mak Alekrin no VI lugar mak Klan Ark.
Iha kategoria grupu kultura Modernu nian, I lugar mak Santo Antonio, II lugar mak ETDA,
III lugar Milenium, IV lugar mak Floresta de Montanha, V lugar mak Alekrin no
VI lugar mak Klan Ark.
Hafoin ida ne’e komisaun Organizadora entrega mos prezente
hanesan aifunan ho osan balun ba
ekipa ka grupu ne’ebe mak sai hanesan
vensedor iha I to’o 5 lugar ho valor osan ne’ebe mak la hanesan.
Eventu ne’ebé mak fraterna teb-tebes ne’e, grupu sira husi
kareta Sedan, Jeep no mos Motor Harley
Davidson, tuir hotu Caravana Artistika ida ne’e hodi anima komunidade tomak.
Antes ne’e, Ministru Turismo Francisco Kalbuadi Lay, liu
husi konferensia ba Imprensa hateten, aktividade ne’e atu komemora loron
restaurasaun indepedensia 20 maiu foin
lalais, nune’e bele anima povu Timor-Leste no hatudu nafatin Timor-Leste nia identidade kultural no
modernu ne’ebe mak iha ba mundu internasional.
Iha fatin hanesan,
Aniceto do Rosario hanesan komunidade ne’ebe mak asiste hela aktividade
Caravana Artistika ne’e hateten, aktividade
sira ne’e diak tanba Governu promove kultura Timor-Leste nian no mos
bele anima populasaun tomak.
“Ha’u louva ho governu nia aktividade ida ne’e, ne’ebe mak organiza husi Ministerio
Turismo ne’e kapas tebes, tanba primeira
ves hetan partisipasaun husi grupu barak
tantu husi Dili laran no mos husi 13 distritus sira,”hateten Aniceto.
Nia hatutna husu ba Ministru Turismo atu tinan oin bele
kontinua halao nafatin aktividades hirak nune’e para promove diak liu tan
kultura TL nian ba rau liur.
Aktividade Caravana Artistika ne’ebe mak organiza husi
Ministerio Turismo ne’e, partisipa husi Primeira Dama, Primeiru Ministru,
Ministru no Secretario Estadu, membru parlamentu sira, membru diplomata sira no
mos komunidade sira iha kapital Dili.
Aktividade ne’e rasik, hetan animasaun husi drum band eskola
São Miguel, Santo Pedro, São Paulo ho Canossa nomos grupu banda muzika Sinco de
Oriente.JNDIario
Tidak ada komentar:
Posting Komentar