Ho kondisaun
no atendimentu ne’ebe mukit no “sabraut”
iha Hospital Naçional Guido Valadares (HNGV) halo prizionedira Lucia
Maria Brandão Freitas Lobato, duvidas boot. Tanba ne’e, Lucia sujere atu transfere
nia ba halo tratamentu no operasaun iha Singapura.
Iha
Segunda ne’e, Guarda Prizionais ho Mediku Prizionais Gleno, halo evakuasaun
urjenti prizionaira Lucia Lobato mai HNGV, tanba sofre tensaun alto (aas) no
afetadu mos ho moras seluk ne’ebe tenke halo operasaun.
Atu bele garante salvasaun ba Lucia nia
vida husi moras hirak ne’e, Segunda ne’e, ekipa Advogadu Lucia Lobato nian
hatama ona karta ida ba Tribunal hodi husu autorizasaun atu halo operasaun iha
Hospital Mounth Elisabeth Singapura.
Lucia Lobato ba jornalista iha HNGV, Tersa
(14/5), informa katak, nia mos halo ona kontaktu ho mediku sira ne’ebe uluk
halo operasaun ba nia iha Singapura atu bele konfirma ho mediku Timor nian, atu
bele aprezenta dadus analiza mediku nian konaba moras ne’ebe afeta ba nia.
Lucia esklarese katak, mesmu nia estatutu
nudar prizioneira ilegal, maibe nia hein nafatin desizaun husi Tribunal atu
bele autoriza nia ba halo tratamentu iha Singapura.
“Se Tribunal la autoriza hau, maka hau
prontu halo operasaun deit iha HNGV,” hateten Lucia Lobato.
Iha tinan 2010, Lucia Lobato halo ona
operasaun dala rua iha Hospital Mounth Elizabeth Singapura sobre moras ne’ebe
afeta ba nia saude, no tuir lolos fulan-fulan Lucia tenke ba kontrola mediku
iha Singapura, maibe to’o tinan ida ona nia nunka sama ain iha Singapura tanba
tenke kumpri no obdese desizaun habeas
corpus (tahanan ilegal) husi Tribunal.
Lucia
mensiona katak, nia lakohi halo opersaun iha HNGV no hakarak atu ba halo operasaun iha Singapura
ne’e laos dehan atu sai ba rai liur, maibe tanba kondisaun HNVG mak la permiti atu halo operasaun.
‘’Ita
hotu hatene katak, ekipamentus iha HNGV ne’e sufsiente tebes, aimoruk mos la
iha, iha fulan hirak ne’e ita rona HNGV la iha kondisaun ne’ebe diak, tanba
ne’e mak hau lakohi atu halo operasaun iha HNGV,” hateten Lucia Lobato.
Oras
ne’e dadaun Lucia Lobato nia tensaun komesa normal ona husi 120 por 80 no Lucia
mos tenki hemu aimoruk loron-loron para atu bele normaliza fali nia tensaun
ne’e. JNDiario
Tidak ada komentar:
Posting Komentar